معلومات عن شهاده CCNA Voice &CCNP Voice

موضوع دراسه الVOIP علم مش حديث اوي بس يمكن مش منتشر في مصر اوي,, وفيه شركات كتير غير سيسكو بتعمل Call Managers عملاقه زي Avaya او بتعمل PBX صغير ممكن يشيل لحد 500 تليفون وله Web Graphical Interface بيسهل التعامل معاه اوي زي منتجات Digium او Grandstream او Linksys.. بس في الاول وفي الاخر بيبقي الشخص اللي دارس وفاهم حاجه زي CCNP Voice تقدر تقول عليه VOIP Engineer والشخص اللي قرأ بس او اشتغل علي جهاز بعينه تقدر تقول عليه Administrator او User وفيه فرص شغل كتير في المجال دا جوه وبره مصر...
بالنسبه لامتحانات سيسكو اولا لازم يكون معاك CCNA ودا شرط اساسي بعد كدا عندك:

CCNA Voice
640-461 ICOMM v8.0 Introducing Cisco Voice and Unified Communications Administration

المنهج بتاعها اسمه ICOMM v8.0 والامتحان رقم 461-640
مده الدراسه 40 ساعه بس والمنهج بيكلم عن البروتوكولات المستخدمه في نقل الVoice وانواعها وايه منها اللي تبع سيسكو بس وايه اللي Standard وال Infrastructure بتاع اي VOIP System ومصطلحات كتير بنستخدمها في مجال الVOIP وتقريبا سعر الامتحان 150 دولار.....

CCNP Voice
دي بتحتاج 5 امتحانات وهم:

CVOICE v8.0 642-437 Implementing Cisco Voice Communications and QoS v8.0
642-447 CIPT1 v8.0 Implementing Cisco Unified Communications Manager, Part 1 v8.0
642-457 CIPT2 v8.0 Implementing Cisco Unified Communications Manager, Part 2 v8.0
642-427 TVOICE v8.0 Troubleshooting Cisco Unified Communications v8.0
642-467 CAPPS v8.0 Integrating Cisco Unified Communications Applications v8.0

مده دراسه كل امتحان 40 ساعه وسعر الامتحان 150 دولار والمنهج دا لسه نازل قريب عشان كدا مش هتلاقيله كتب كتير علي الانترنت
عموما المنهج دا بيبدا بقا يكلم عن استخدام سيسكو بتعمق اكتر الاوامر وال Configurations والبروتوكولات وبيشرح Call Manager اللي هو بيبقي Software اللي نازل علي جهاز Server عادي ودا يعتبر ال Core اللي بيقوم بدور السنترال وبيتحكم في كل حاجه...

اي حد عاوز ياخد معلومات اكتر عن الماده اللي موجوده في المتهج دا ممكن يزور موقع سيسكو وهيعرف معلومات كتير...
فيه سنترات في مصر بدرس VOIP بس كل فين وفين علي مابيتكون جروب الا لو ممكن تعمل انت جروب وتبدا او تاخد الكورس لوحدك...
وتقريبا سعر الامتحان الواحد لو في جروب في المتوسط بيكون 1500 ولو لوحدك ممكن 6000 او حسب اتفاقك مع السنتر.
انا اخدت CIPT1 في 3 ايام وذاكرتها في 3 ايام وامتحنت في اليوم السابع بينما ال CVoice اخدتها في 3 شهور..وحاليا بجهز ل CIPT2
لو هتذاكر لوحدك فيه حاجات كتير مش هتعرف تطبقها واعتقد برده حاجات هتقف معاك مش هتفهمها وهتاخد وقت كتيييييير اوي وللاسف مش كل حاجه هتعرف تعملها Simulation ماعدا ال Call Manager نفسه ممكن تنزله علي Vmware وتتدرب عليه.. وبرده هتحتاج تسال حد في حاجات كتير.. انا مش بحبط الناس بس بصراحه مش بحب الناس اللي بدور علي الحاجه اللي ببلاش الاول..علي اد العلم دا ماهو محترم علي اد مالازم نحترمه ونقدره ونتعب فيه عشان نستحقه...
ربنا يوفق الجميع...