للشباب أختي الكريمه أنا ولد

مدخل :

(أسد علي وفي الحروب نعامة فتخاء تنفر من صفير الصافر )

ساره: محمد اخوي ياحبي لك بالله ودنا للملاهي..

محمد(الاسد): تراكم اشغلتونا ملاهي ملاهي ..سواق عندكم ..

سار: حمودي الله يوفقك طيب نبي دونات وقهوه من الكفي اللي باخر الشارع

الاسد (حمودي):الا وش رايكم بعد بعشاء بالمره.

ساره(مصدقه):ايه الله يخليك حمودي نبي عشاء من كنتاكي.

محمد:لا والله ..اقول لا يكثر ..انتم ماتعطون وجه.

ترن ترن< جوال الكشاف

محمد:الوو..هلا ناصر..يالله حيه..

ناصر:تجي الاستراحه..

محمد: طيب دقايق وانا عندكم ..تبون شي ..اجيب معي كابتشينو ودونات

ناصر: ايه جيب< ماصدق

محمد :ابشر شف باقي العيال وش يبون ..

ناصر:يبون عشاء..

محمد : ابشرو: بالعشاء

انتهت المكالمه:

هذا كله صار وساره تسمع..

نرجع لموضوعنا..

ماشاء الله عليهم بعض الشباب ..مقام خواته بمقام امه ..يتفقد احوالهن..

طلباتهن..يضحك معاهن..يتذكر قول رسولنا صلى الله عليه وسلم

رفقا بالقوارير..اخواني ترى ماهو حرام ولا عيب ..اذا اخذت اختي..

وديتها للملاهي ولعبت معاها..ولا لسوبر ماركت ..واخذت لها

كندر وجالكسي..وعصير سنتوب<

ولا من العيب اذا لقيتها تغسل المواعين ..وانت فاضي..واخذت صحن

وجلست تسولف وتغسل. معها..بعض البنات ترى تتعرض للمضايقه ..

امام الكليه وهي نازله من الباص ..اذا صرت اخو شراني وغير متفهم

تكتم بصدرها وتتحامل على الاذى ..لجل اذى اكبر منه..

واذا لك اخت متزوجه..مر عليها ...خذ معك ..شي بسيط

تعال ورز عمرك قدام زوجها ..بعض المتزوجات ..اخوانها ..ساحبين

عليها..وعندها ..رجل يقتنص هالاشياء ..ويردد..ماحد يبك ..اخوانك وينهم

عزها اختك ..والله اذا متزوجه رجل ان يعزها اكثر ..واذا متزوجه ..

متغطرس والله ان يعزها غصب لما يرى من معزه لها عند اخوانها..

خواتك الصغار ..الغير متزوجات ..سو مفاجاة لهم..مانبي كل يوم

بالشهر مره..ضفهم معك ساعه..مر الاسواق وشف وش يبون

الملاهي..البقاله..ابحث عن ماينقصها واشتره ولتكن مفاجاه.

بعضنا والله يقدر صديقه ولا يقدر اهله..ويوفر مايطلبه صديقه ويتكاسل او يرفض طلبات اخواته..

يانايم ياطالع ..ياطايره شوشته ويهاوش..

اخواني الموضوع هذا ..ليست مثاليه مني ..قد اكون اكثركم تقصير..

ونحن هنا نتناصح ..ونذكر..

مخرج خارج التغطيه)

اخي/اختي.. إذ ماداسَ إخْوتَك الذئابْ
فاهربْ/ي بنفْسِكَ وانجُ من ظفرٍ ونابْ
وإذا سمعتَ الشَّتْمَ منهمْ والسُبابْ
فاصبرْ فإنَّ الصَّبْرَ أجرٌ وثوابْ