قلنا راح مع الايام
عدى من ايدينا راح
اصلو يا العصفور دا حالك
من ما سويت ليك جناح
يعنى كان صارحت مالك
نحن ما بينا الصراح
ومات ضمير مرتاح وحاتك
بقي لومنا عليك سماح
****************
كيف نلوم عصفور حنين
مرة بيقاسى الرياح
و مرة تلقاهو بيغنى
فوق فريعو مع الصباح
و مرة فى ارض المحنة
و مرة فى ابعد بطاح
طاوي حريتو في جناحو
وعمرو ما ملٌ الرواح
***************
اطرا يا عصفور حبابيبك
و انت فوق حلتنا راحل
جايبك الصيف من دايرك
شايلك الشوق للسواحل
فرح ايامنا الحزينة
وللسلامة غني واصل
كان نسيت موسمنا ديا
فى المواسم الجاية حاول
موضوع: اصلو يا العصفور دا حالك 
الإثنين نوفمبر 05, 2012 8:50 pm
